Tujhe jee bhar-ke dekh liya

Maine acha hi kiya,

ki tujhe jee bhar-ke dekh liya.

Teri tasveer ko apni aakhon me utaar liya,

teri parchaayi me khudko dekh liya.

Maine acha hi kiya,

ki tujhe jee bhar-ke dekh liya.

Maine acha hi kiya,

tujhe bhari garmi me aasmaan ke rang me dekh liya,

dhoop se bachte hue tere gore rang ko laal hote dekh liya,

teri bigdi zulfon ko tujhse rooth-te dekh liya.

Maine acha hi kiya,

ki tujhe jee bhar-ke dekh liya.

Maine acha hi kiya,

sapne sunte tere-tera roshan chehra dekh liya,

sunte hue tujhe batate apna dar dekh liya,

badi ainak ke peeche chupa ateet ka diya aansoon dekh liya.

Maine acha hi kiya,

ki tujhe jee bhar-ke dekh liya.

Maine acha hi kiya,

phoolon ko tere chute babarkat hote dekh liya,

suraj ko tere hote aur muskurate dekh liya,

teri aankhon me apni tasveer dhoondhte khudko dekh liya.

Maine acha hi kiya,

ki tujhe jee bhar-ke dekh liya.

Chalo iss baat ka toh gum nahi

—ki tujhe do pal aur na nihaar paya mai

itne samay me tujhe bhar-pet dekh liya,

Maine acha hi kiya tere jaate do pal aur ruk gaya

—aur tujhe jee bhar-ke dekh liya.

Ye afsar mujhe shayad hi kabhi fir mile,

yun jo tere ateet ne tujhe fir khush dekh liya.

Maine acha hi kiya-chaahe ek baar hi sahi,

par tujhe jee bhar-ke dekh liya.